Artziniegako Artea Etnografia Elkarteak salatu du Artziniegako Etnografia Museoa (Araba) ixteko arriskuan dagoela. Eusko Jaurlaritza eta Arabako Foru Aldundiko ordezkariekin batzartu ziren atzo, egoerari irtenbide bilatzeko eta diru laguntzak eskatzeko. Azaldu dutenez, ez dute konponbiderik aurkitu, erakundeen jarrera itxiagatik. Etnografiako adituentzat erreferentziazko museoa da, eta 30 urte baino gehiago ditu.